Ale, pahiram naman ng isang piso
Gagawa lang ako ng pagbabago
Itatanim ko lang sa hardin sa may amin
Para lumago ito tulad ng mangga sa probinsya namin
Para pag malaki na ang puno
Makakabili na ako ng damit
Tapos makakabili pa ako ng gamit
Mga pensil at crayola para sa eskwela
Ayaw ko na kasing magbenta ng franela
Pagod na kasi sa paglalaba si Nanay
At kulang ang pag-aagwador ni Tatay
Pag may puno na kami ng piso
Bibigyan ko rin si Aling Gina at si Manong Lito
Kasi magiging marami yung bunga
Ako na mismo ang aakyat sa mga sanga
Pipitasin ko ang itinanim ko
At gagawa ako ng pagbabago.